ازاي تبدأ برمجة (الجزء الثاني )Back-end web development
-----------------------------------------------------------------------------------
.. ايه هو ال Back-end ?
.. ايه هو ال Back-end ?
مبدأيا كدة اوعي اوعي اوعي تترجم المصطلح علي ترجمة جوجل هو المصطلح انجليزي وملوش ترجمة حرفية grin emoticon
= ال Back-end web development هو برمجة الويب ط ....
.. اه بال Html , css ؟؟؟
= ياحبيبي سيبني اخلص كلامي squint emoticon
.. كمل grin emoticon
= طب ايه الفرق بين برمجة الويب والتصميم ؟؟!
.. مش عارف !!
= تخيل كدا معايا شركة بتصنع عربية هيكون في فريقين كبار بيشتغلوا عليها وطبعا الفريقين دول كل واحد فيهم بينقسم لفرق بس الفرقتين الكبار الاول منهم بيصنع شكل العربية وفي الاخر تلاقي قدامك عربية بالشكل الخارجي بالموتور بالفرامل .. الخ الخ .
.. مش عارف !!
= تخيل كدا معايا شركة بتصنع عربية هيكون في فريقين كبار بيشتغلوا عليها وطبعا الفريقين دول كل واحد فيهم بينقسم لفرق بس الفرقتين الكبار الاول منهم بيصنع شكل العربية وفي الاخر تلاقي قدامك عربية بالشكل الخارجي بالموتور بالفرامل .. الخ الخ .
طب ايه الي بيخلي العربية تشتغل ؟؟!
الفريق التاني الي بيخلي العربية تشتغل وتمشي وكل حاجة فيها تشتغل .
ها فهمت ايه ؟؟
.. اشتري عربية صح ؟؟ grin emoticon
= حسبي الله ونعم الوكيل
= البرمجة والتصميم زي تصنيع العربية المصممين هما الي بيصمموا الموقع والمبرمجين هما الي بيخلوه يقوم بدوره زي ما بيخلوك تسوق العربية المبرمجين الي بيخلوك تبعت رسايل في الموقع او تسجل او تسجل الدخول وكل الحجات دي الي المبرمج بيعملها
.. جميل طب انا ابقا مصمم ولا مبرمج ؟؟
= تخيل نفسك كدة قدمت في شركة facebook وعرضوا عليك انك تصمم الصفحة بتاعت ال sign up تختار انك تعمل الشكل بتاعها ولا انت الي تخلي البيانات بتاعت ال user توصل ؟؟؟
لو اختارت انك تصمم تبقي انت جواك مصمم ولو انت تبعت الرسالة كدة انت جواك مبرمج
. تمام تمام بدأ بقا ازاي ف الحوار دا .
= اول حاجة انت لازم تاخد انترو ف البرمجة عشان تعرف الاساسيات الكورس دا هيعرفك اساسيات اي لغة برمجة بأستخدام لغة اسمها بايثون و ..
.. مش بايثون دي مشروب طاقة ؟؟ grin emoticon
= بص قلشة كمان وربنا ما هقولك حاجة اسمها python مش payson ولا bayson
خد الكورسات الي في ال post دا وبعد ما تخلص ال program design course كمل في التراك وافتح معاه ال track دا
1 - تاخد مقدمة بسيطة جدا للغات تصميم المواقع html ,css اعتبر الكورس دا تسخين grin emoticon
2 - بعد كدة كورس البرمجة بتاع الويب هتتعلم فيه البرمجة بالبايثون عن طريق حاجة اسمها python google app engine framework هتتعلم فيه الاساسيات الي تخليك web developer محترف وكمان هيعلمك شوية security محترمين
3 - بعد كدة بتاخد مقدمة لل Databases
4 - بعد كدة بتاخد الكورس دا هيعلم شوية اساسيات تانية في الويب
5 - بعد كدة اتعلم لغتين javascript , jquery من الموقع دا
6 - بعد كدة هتتعلم حاجة اسمها ajax
7 - بعد كدة هتتعلم ال web security من الكورس دا
كدة انت هتكون وصلت لمرحلة عالية جدا جدا في الويب وهتكون مبرمج ويب محترف ابتدي بقا تعمل مواقع كدة لنفسك عشان تتمرن عليها وتفضل علي الحال دا سنة بعد كدة تاخد الكورس دا ..
8 - دا كورس برمجة ويب للمحترفين ولازم يكون عندك خبرة لا تقل عن سنة ف بتشتغل زي ماقلت السنة دي انك تعمل مواقع لنفسك كتمرين grin emoticon
ملحوظة : عشان تفتح الكورسات تختار access course materials
متختارش start free trial grin emoticon
استنونا في الجزء التالت grin emoticon
.. طب استني استني .. انا مبرمج سي شارب هل ينفع اتعلم بيها ويب ولو عاوز اتعلم php اعمل ايه ؟؟ grin emoticon
= في البوست الجاي هتعرف
No comments:
Post a Comment